ابوالعباس محمد
عظيمة يا مصر يا أرض اللواء والعمرانية
( مواطن مثقف نام ليلة في التخشيبة )
أنا زهقت .. أنا طهقت .. إنت إيه .. مابتركبش مركب وتسافر أيطاليا أبدا
( زوجة مخنوقة تتمنى الخلاص من زوجها )
تتوافر لدينا أكفان مميزة ومكيفة الهواء ولمسافات طويلة
(إعلان لحانوتي مصرى علىالشواطئ الايطالية)
بمناسبة بدء الدورة البرلمانية .. أخي النائب ... لاترفع حذاءك في وجه الزملاء ... لاتؤجل موافقة اليوم الى الغد .... واغسل يديك قبل الموافقة وبعدها
( من نصائح الناخبين لنواب الحزب الوطنى )
إنت فاكر نفسك إيه .. أنا ابن ناس برضه .. أبويا من شرم وأمي من مارينا
( سواق تاكسي لزبون بخيل شايف نفسه )
وزارة الاسكان تهيب بالسادة المواطنين و خصوصاً الشباب ملء استمارات الحجز للشقق المدعمة .. و اللي حياخد شقتين هانديله عليها شقة هدية
( شاب يبحث عن شقة ويسخر من شعارات الفكرالجديد )
اللى بيته من قزاز مايغيرش هدومه في الصالة
( مثل سمعته أثناء المؤتمر العام للحزب الوطني )
اسمع يابسيونى ها تسرق قيراط ها اسرق أربعة وعشرين
(مسئول حكومي كبيروهو بيحاسب عامل البوفيه بسيونى )
الصلصة أمريكي والعدس صيني والبصل تركي .. الكشري بقى متعدد الجنسيات يا بلد
( واحد بياكل كشرى وضد الخصخصة )
البيضة بقت 80 قرش هاتيجي على العشرة صاغ اللي غلوها في تذكرة الأتوبيس
( ست كبيرة فى الميكروباص )
راحت عليك يادنيا .. وراح زمن الشهادات
(مثل شائع يردده خريج جامعة عاطل )
دعيني أعيش استهتارك وفظاظتك .. فأنا مثلك ..لا أنتمي للبلاد و الوطن
(قصاصة ورق كتبها مواطن وألقى بها أمام مقر مجلس الوزراء)
وأخيرا من فيلم تيتو اخترت لكم هذا الحوار : الباشا : عارف يا أبو السيد.. إنت أكيد تسمع عن جهاز كشف الكدب بتاع أمريكا.. إحنا عندنا واحد هنا زيه بالظبط.. بس بلدي.. اسمه الخرارة.. سلكتين.. واحدة بتوصل بلسانك.. والتانية بتوصل في مكان تاني أنت عارفه كويس.. وخر يا باشا براحتك.. أبو السيد : خلاص يا باشا أنا هتكلم!!
Subscribe to:
Post Comments (Atom)
No comments:
Post a Comment